Алена Каваленка: Ён увесь час ляжыць - відэа
Медыкі Рэспубліканскай турэмнай бальніцы характарызуюць стан здароўя актывіста
«Стан здароўя Сяргея блізкі да крытычнага, — лічыць Віталь. —
Тэмпература ў яго сёння была 35,1, ціск — 80 на 50. Ён практычна ўвесь час ляжыць — да нас (я быў у бальніцы з сынам Сяргея Валікам) спусціўся, сабраўшы апошнія сілы.Ён расказаў, што апошнія два дні — суботу і нядзелю — яго проста абколваюць уколамі, пасля якіх яму стала значна горш. Баляць ныркі, іншыя органы, пазваночнік. Пры ін’екцыях у камеры прысутнічаюць восем міліцыянераў, якія прывязваюць яго да ложка. Калі працэдура завяршаецца, зняволены, які сядзіць з ім у камеры, развязвае бінты. Уводзяць фізіялагічныя растворы, глюкозу, іншыя не вядомыя яму прэпараты.
Калі Сяргей сёння раніцай прачынаўся, ён скрозь сон чуў, як адзін з міліцыянераў гаварыў яго сакамерніку: „Скажаш на судзе, што Каваленка з табой еў“. Думаю, гэта робіцца для таго, каб, у выпадку, калі Сяргей памрэ, яны б знялі з сябе віну за гэта».
Паводле слоў брата актывіста, Сяргей здзіўляецца, чаму
КХП-БНФ не правяла ніводнай акцыі ў яго падтрымку каля СІЗА № 1.
Як адзначыла жонка Сяргея Каваленкі Алена, яго стан здароўя больш цяжкі, чым гавораць урачы. «У яго пачаліся змяненні ў нырках, у печані, — гаворыць яна. — Ужо ясна, што ратаваць яны яго не хочуць».
Алена Каваленка паведаміла, што адправіла зварот з просьбай дапамагчы выратаваць мужа патрыярху Кірылу, падрыхтавала ліст да папы рымскага Бенедыкта XVI і відэазварот да палітыкаў і грамадскасці Еўрасаюза і ЗША.«Чалавек ні ў чым не вінаваты, — пераканана Алена. — Ён займаўся прапагандай беларускай ідэі, сапраўдных гістарычных каштоўнасцяў — толькі
Паводле слоў Віталя Каваленкі, Сяргей атрымлівае па 5–10 паштовак у дзень з заклікамі спыніць галадоўку. Аднак папрасіў усіх, каб такіх паштовак яму больш не дасылалі —
ён будзе галадаць датуль, пакуль яго не перавядуць пад хатні арышт. Толькі тады ён пачне выходзіць з галадоўкі.Ён не давярае турэмным урачам і хоча, каб яго лячыла жонка.
Многія грамадзяне Беларусі і замежжа падтрымліваюць Сяргея і стараюцца дапамагчы, гаворыць Алена. «Улады не хочуць ратаваць яго жыццё, — лічыць яна. — Жыццё грамадзяніна, які змагаецца за справядлівасць, — для іх пусты гук».