Актывісту РЧСС узламалі сайт, прысвечаны фітнэсу

Дзмітрый Іванчанка падазрае, што да ўзлому маюць дачыненне спецслужбы.

Уначы быў узламаны сайт www.belfitness.by, які належыць Дзмітрыю Іванчанку, актывісту «Рэвалюцыі праз сацыяльныя сеткі». «Я актыўна выказваўся ў сацыяльных сетках, неаднаразова мяне запрашалі на «выхаваўчую гутарку» ў КДБ, — расказвае ён. — Яны ведалі, што гэта мой сайт. Дарэчы, ён размяшчаўся на беларускім хостынгу».

У выніку атакі былі выдаленыя ўсе старонкі сайта, а замест іх «падкінутая» адзіная index-старонка, якую і можна ўбачыць, адкрыўшы спасылку.

У кампаніі-хостэры Дзмітрыю заявілі, што пастараюцца аднавіць старонку, але прызналі, што сайт быў знішчаны цалкам. З якой краіны і з якіх IP-адрасоў праводзілася атака — невядома.

Каментары да артыкула