Новае аблічча «Беларускага партызана»
Адзін з самых папулярных незалежных сайтаў зрабіў рэдызайн.
Вонкавыя змены — не адзінае, што сёння пабачылі чытачы «Белпартызана». Як паведамляе рэдакцыя, на сайце змянілася сістэма пошуку і каментавання (для каментатараў уведзеныя напаўжартоўныя «званні»). З’явіліся і новыя раздзелы — «мультымедыя», дзе будуць збірацца фота-, відэа- і аўдыёматэрыялы; «інтэрв’ю», «стужка навінаў». А для тых, хто папракае «Белпартызан» у негатыўным стаўленні да рэчаіснасці, створаная рубрыка «Радасці жыцця», жартуе рэдактар сайта Павал Шарамет.