БРСМ будзе падаваць заяўкі на еўрапейскія гранты
Беларускі рэспубліканскі саюз моладзі плануе прыцягваць еўрапейскія гранты для дадатковага фінансавання экалагічных студэнцкіх атрадаў у Беларусі.Аб гэтым сёння журналістам паведаміў першы сакратар БРСМ Ігар Бузоўскі.
Ігар Бузоўскі лічыць, што прыцягненню еўрапейскіх грантаў для экалагічных студатрадаў паспрыяюць кантакты, устаноўленыя БРСМ падчас адукацыйнага семінара маладых парламентарыяў і моладзевых лідэраў Расіі і краін СНД. Ён адзначыў узаемную зацікаўленасць у развіцці такога супрацоўніцтва.
Экалагічныя студатрады займаюцца добраўпарадкаваннем тэрыторый: чысткай берагоў рэк і азёр, уборкай лесапаркавых зон і г.д. «Еўрапейская супольнасць зацікаўлена ў тым, каб захаваць унікальныя прыродныя рэсурсы Беларусі», — падкрэсліў лідар афіцыйнага саюза моладзі.