«Белая Русь» прапануе прыпыняць партыі за заклікі да санкцый

З адпаведнымі прапановамі выступілі кіраўнікі рэгіянальных структур РГА.

«Адной з эфектыўных мер уздзеяння можа стаць прыпыненне дзейнасці той партыі, лідары якой заклікаюць ўвесці санкцыі супраць Рэспублікі Беларусь. Тым больш што такая практыка ўжо ёсць, і заканадаўствам Расіі, заканадаўствам Рэспублікі Казахстан такая мера прадугледжана», — сказала 5 красавіка ў вечаровым выпуску навін тэлеканала «Беларусь 1» прадстаўніца адной з раённых арганізацый Мінска «Белай Русі».

Нагадаем, 4 красавіка канал «Беларусь-1» паведаміў, што працаўніца Мазырскага нафтаперапрацоўчага завода Марына Цыблиенко падала ў суд пазоў у дачыненні да палітыка Віктара Івашкевіча. Ён заклікаў еўрапейскія кампаніі ўвесці эмбарга на беларускія нафтапрадукты. Цыблиенко патрабуе ад Івашкевіча 500 тысяч рублёў у якасці кампенсацыі маральнай шкоды, якую нібыта нанеслі ёй асабіста выказванні апазіцыянера. Цыблиенко працуе аператарам ЭВМ у цэху № 12, які займаецца парапаветраным забеспячэннем вытворчасці.

Каментары да артыкула