Трагедыя на Вялікдзень: пяцёра беларусаў загінулі ў аўтакатастрофе ў Расіі

+ дадаўся спіс ахвяраў і параненых

Яны ехалі на заробкі ў Варонежскую вобласць.

Сёння раніцай на 392-м кіламетры трасы «Дон» у Ліпецкай вобласці на аб’ездзе Яльца, разбіўся мікрааўтобус «Фальксваген», зарэгістраваны ў Рэспубліцы Беларусь. У ДТЗ загінулі пяць жыхароў Віцебска — паводле папярэдніх дадзеных, у гэты святочны дзень нашы землякі ехалі на заробкі ў Варонежскую вобласць.

Як паведамляе сайт gorod48.ru са спасылкай на прэс-службу УУС Ліпецкай вобласці, пяцёра з васьмі чалавек, якія знаходзіліся ў мікрааўтобусе, загінулі на месцы, яшчэ трое дастаўленыя ў бальніцу Яльца. Да моманту аварыі аўтамабіль знаходзіўся ў дарозе каля чатырнаццаці гадзін і па адной з версій кіроўца «Фальксвагена» мог заснуць за рулём, пасля чаго мікрааўтобус страціў кіраванне і сутыкнуўся з грузавіком, які стаяў на ўзбочыне.

Спіс ахвяраў:

1. Дунец Аляксандр, 1992 г.н, морг МУАЗ «Ялецкая ЦРБ» Пражываў: г. Сянно, Віцебская вобласць.

2. Бяляеў Аляксей Юр’евіч, 1984 г.н, морг МУАЗ «Ялецкая ЦРБ» Пражываў: г. Сянно, Віцебская вобласць.

3. Страшкін Уладзіслаў Вадзімавіч, 1982 г.н, морг МУАЗ «Ялецкая ЦРБ» Пражываў: г. Сянно, Віцебская вобласць.

4. Мамгіт Дзмітры Леанідавіч, 1976 г.н, морг МУАЗ «Ялецкая ЦРБ» Пражываў: г. Сянно, Віцебская вобласць.

5. Астапенка Аляксандр Анатолевіч, 1986 г.н, морг МУАЗ «Ялецкая ЦРБ» Пражываў: г. Сянно, Віцебская вобласць.

Спіс шпіталізаваных:

1. Камандышка Аляксандр Мікалаевіч, 1990 г.н, закрытая ЧМТ, пералом ключыцы справа. Пражывае: г. Сянно, Віцебская вобласць.

2. Дзівін Вадзім Віктаравіч, 1982 г.н, Страсенне галаўнога мозгу, удар хрыбта і правага пляча. Пражывае: г. Сянно, Віцебская вобласць.

3. Асоба высвятляецца, удар галаўнога мозгу, без прытомнасці. Пражывае: г. Сянно.

Каментары да артыкула