У Брэсцкай вобласці раздавалі асвячоныя флікеры
Дзяржаўтаінспекцыя Брэсцкай вобласці ў ноч з 14 на 15 красавіка зладзіла акцыю «Будзьце ў бяспецы». Супрацоўнікі ДАІ раздалі больш за 10 тыс. асвячоных флікераў. У шэрагу храмаў святары таксама нагадалі прыхаджанам аб важнасці захавання правілаў дарожнага руху і значэнні святлоадбівальных элементаў на адзенні, роварах і конным транспарце.
Акцыя арганізавана ў рамках сумеснага праекта Дзяржаўтаінспекцыі з праваслаўнымі прыходамі па прафілактыцы дарожна-транспартных здарэнняў.