У цэнтры Глыбокага шалёная андатра напала на дзяўчыну
Здарэнне адбылося каля будынку райвыканкама.
Ад жывёліны дзяўчыну абараніў хлопец, якому ўдалося забіць андатру. Міліцыянт, які дзяжурыў у будынку райвыканкама, выклікаў «хуткую дапамогу». Пасля высветлілася, што андатра была хворая на шаленства.
Як паведамілі ў Глыбоцкай санстанцыі, дзяўчына ад укусаў не пацярпела, звер паспеў парваць на ёй толькі куртку.
У Глыбокім, у сувязі з запланаваным правядзеннем Дня беларускага пісьменства, наводзіцца парадак вакол возера ў цэнтры горада, таму, магчыма, будаўнікі разбурылі нару андатры.