Беларусь наўмысна аслабіла кантроль на мяжы з Польшчай?
У ноч з 27 на 28 красавіка беларуска-польскую мяжу перасякла рэкордная колькасць нелегалаў.
Адразу 15 афганцаў былі затрыманыя польскімі памежнікамі непадалёк ад мяжы з Беларуссю. Аб гэтым паведамляе Kurier Poranny.
Сярод затрыманых чатыры жанчыны і трохгадовая дзяўчынка.
Раней, 19 красавіка, прадстаўнікі Дзяржаўнага памежнага камітэту заявілі, што Беларусь пераглядае свае падыходы да арганізацыі аховы мяжы з Еўрасаюзам.
Беларускія памежнікі цяпер будуць менш увагі звяртаць на тых, хто выязджае з краіны. Зроблена гэта будзе ў адказ на санкцыі з боку Еўрасаюза.