20 тон брагі: міліцыя выявіла найбуйнейшы ў Беларусі самагонны завод
у вёсцы Баркі Маладзечанскага раёна.
Пра гэта паведаміла прэс-служба УУС Мінаблвыканкама.
У пунях прыватнай хаты знайшлі 20 тон брагі і 700 літраў гатовага да рэалізацыі першаку. Вага абсталявання і ёмістасцяў саматужнага бровара складае каля 5 тон. Міліцыя цяпер шукае, каму маглі гэты самагон прадаваць. Яўна што столькі сама сям'я не выпівала.
Але абсалютны рэкорд самагону застаўся не пабіты. Ён быў зафіксаваны ў тым самым Маладзечанскім раёне 5 гадоў таму. Тады ў лесе ля вёскі Клочкава знішчылі самагонны апарат з 50 тонамі брагі.