Выйшаў новы «ARCHE»
Ён адкрываецца артыкулам Пётры Рудкоўскага «Хто забіў беларускае адраджэньне?»
Трэці нумар часопісу «ARCHE» за 2007 г. адкрываецца артыкулам Пётры Рудкоўскага «Хто забіў беларускае адраджэньне?»— палемікай з Аляксандрам Адамянцам адносна ліста Мілінкевіча Лукашэнку.
Андрэй Казакевіч, Паўлюк Быкоўскі, Алесь Міхалевіч, Уладзімер Лабковіч, Павал Усаў аналізуюць кампанію мясцовых выбараў 2007 з пазыцыяў апазыцыі і ўлады.
Таксама ў нумары — верш у прозе Крываля «Калі б я быў гэбэшнікам», паэзія Андрэя Хадановіча, «Расейска‑крыўскі слоўнік» Вацлава Ластоўскага з камэнтарамі Юрася Пацюпы.
Часопіс можна набыць у незалежных распаўсюднкаў або падпісацца. Падпісны індэкс — 00345.