Казуліна падтрымалі больш за 7 тысяч палякаў
Акцыя падтрымкі пачалася адначасова з прыняцьцём Сэнатам Польшчы рэзалюцыі ў падтрымку Аляксандра Казуліна.
7119 чалавек падпісалася пад патрабаваньнем вызваліць палітычнага вязьня Аляксандра Казуліна, якое накіраванае да прэзыдэнта Рэспублікі Беларусь Аляксандра Лукашэнкі. Збор подпісаў наладзіла грамадзкае аб’яднаньне «Свабодная Беларусь», якое дзейнічае ў Польшчы.
Акцыя падтрымкі пачалася адначасова з прыняцьцём Сэнатам Польшчы рэзалюцыі ў падтрымку Аляксандра Казуліна. «Свабодная Беларусь» пачала зьбіраць подпісы напрыканцы лютага бягучага году, а закончыла некалькі дзён таму.