Дзмітрыеў і Пашкевіч атрымалі па 10 сутак арышту
У Смалявічах прайшоў суд над актывістамі «Гавары праўду», якіх судзілі за сход 10 сакавіка.
У судзе Смалявіцкага раёна вечарам 7 мая адбыўся разгляд адміністрацыйнай справы супраць аднаго з кіраўнікоў грамадзянскай кампаніі «Гавары праўду» Андрэя Дзмітрыева і актывіста гэтай кампаніі Міхаіла Пашкевіча.
Іх вінавацілі ў парушэнні правілаў правядзення масавых мерапрыемстваў.
Абвінавачаныя зладзілі 10 сакавіка сход дачнікаў і жыхароў Смалявіцкага раёна супраць будаўніцтва на тэрыторыі вёсак кітайска-беларускага індустрыяльнага парка.
Суддзя Смалявіцкага раёна Алена Міснік асудзіла Андрэя Дзмітрыева і Міхаіла Пашкевіча на 10 сутак кожнага.
Нагадаем, што 12 красавіка 2012 года пасля сустрэчы старшыні Смалявіцкага райвыканкама з дачнікамі затрымала шэраг актывістаў. Сярод іх былі затрыманыя Дзмітрыеў і Пашкевіч.
Кампаніі "Гавары праўду" таксама належыць ідэя "Грамадзянскай дамовы".