Міліцыя шукае графіцістаў, якія дзёрзка размалявалі электрычку ў Мінску + фота
Выпадак здарыўся сёння ноччу на станцыі «Інстытут культуры».
На станцыі Інстытут культуры невядомыя ўначы 8 мая размалявалі 2 вагоны электрацягніка.
Як расказаў прэс-сакратар УУС на транспарце МУС Беларусі Аляксандр Марчанка, працэс размалёўкі адбываўся ў прамежку з 23.00 7 мая да 2.00 8 мая.
Сума шкоды і вінаватыя ўстанаўліваюцца. Праводзіцца праверка.
Транспартная міліцыя просіць грамадзян, якія маюць нейкія звесткі на гэты конт, патэлефанаваць на 102.