Галоўны санітарны ўрач вызвалены ад пасады
Галоўны дзяржаўны санітарны ўрач — намеснік міністра аховы здароўя Беларусі Алег Арнаутаў вызвалены ад займанай пасады.
Гэту інфармацыю пацвердзілі ў пятніцу ў Міністэрстве аховы здароўя, але адмовіліся ўдакладніць прычыны вызвалення Арнаутава ад пасады.
Там паведамілі, што «пакуль што ніхто на гэтую пасаду не прызначаны». Арнаутаў займаў гэную пасаду з верасня 2010 года.