У Грэцыі будуць выбары зноў
Краіну, што жыла не па сродках, зацягнула ў вір палітычных разборак.
Ані сілы, якія падтрымліваюць курс строгай эканоміі і трыманне ў зоне еўра, ані праціўнікі еўраінтэграцыі, у сваю чаргу, расколатыя на левых і правых, не маюць большасці ў парламенце, каб сфармаваць новы ўрад. Падтрымаць жа беспартыйны ўрад партыі адмовіліся. У выніку прэзідэнт Грэцыі Карлас Папульяс прызначыў новыя выбары. Яны могуць адбыцца 17 чэрвеня.
Няздольнасць грэкаў сфармаваць урад прывядзе да адкладу чарговага пакета еўрапейскай дапамогі. А без яе ў краіне можа спыніцца выплата пенсій і заробкаў бюджэтнікам. Тады, лічаць эксперты, Цэнтрабанк будзе змушаны зноў выпусціць грэчаскую валюту.
Няяснасць з будучыняй Грэцыі і еўрапейскага валютнага саюза прывяла да падзення курсу еўра да мінімуму адносна даляра.