У Столінскім раёне ад удару маланкі загінуў мужчына
У Столінскім раёне 16 мая ад удару маланкі загінуў48-гадовы жыхар вёскі Атвержычы.
Як паведаміў начальнік аддзела інфармацыі і грамадскіх сувязяў УУС Брэсцкага аблвыканкама Сяргей Дучэнка, цела мужчыны з прыкметамі паражэння маланкай у двары свайго дома каля 20.00 знайшоў яго сын.
Паводле папярэдніх звестак, загінулы выйшаў з дому падчас навальніцы і пайшоў у гаспадарчую пабудову.
Трагедыя адбылася ў выніку прамога пападання ў мужчыну навальнічнага разраду маланкі.Ён працаваў паляводам на мясцовым сельгаспрадпрыемстве.
Праверку па факце гібелі мужчыны праводзіць Столінскі РАУС.
Як зазначыў Дучэнка, сёлета ў вобласці гэта першы такі няшчасны выпадак.