Пераходу на вывучэнне гісторыі і геаграфіі Беларусі на белмове не плануецца

Мінадукацыі: Беларускай мовай валодае малая колькасць школьнікаў.

Увядзення абавязковага вывучэння гісторыі і геаграфіі Беларусі на беларускай мове ў найбліжэйшы час чакаць не варта. Намеснік міністра адукацыі Казімір Фарыно на прэс-канферэнцыі «Сярэдняя школа на сучасным этапе: стан, праблемы і перспектывы»

растлумачыў гэта невялікай колькасцю школьнікаў, якія валодаюць беларускай мовай, неабходнасцю перадрукоўваць падручнікі і Канстытуцыяй.

«На гэты момант гісторыю Беларусі на беларускай мове ў нашай краіне вывучае каля 18% дзяцей, з якіх толькі 5% пражывае ў гарадах», — растлумачыў Фарыно. Паводле Міністэрства адукацыі, гісторыю Беларусі на беларускай мове ў сельскай мясцовасці вывучаюць 56% школьнікаў, а на расійскай — 44%.

К. Фарыно растлумачыў,

што ў перспектыве рашэнне паўсюдна вывучаць гісторыю і геаграфію сваёй краіны на беларускай мове можа быць рэалізавана, але не цяпер.

«Бо для таго, каб гэта зрабіць, неабходна перавыдаваць шматлікія падручнікі, — растлумачыў ён. — Напрыклад, для перавыдання падручнікаў для адной паралелі 5-га класа неабходна выдаткаваць каля 1,3 млрд рублёў, а для ўсіх класаў з 5-га па 11-ы, якія вывучаюць гісторыю Беларусі — больш за 10 млрд».

Чыноўнік мяркуе, што рашэнне перайсці на беларускую мову ў навучанні гісторыі і геаграфіі можа быць неадназначна ўспрынята і ў многіх сем’ях.

«Давядзецца адкарэктаваць нарматыўна-прававую базу — закон аб мовах, кодэкс аб адукацыі. Наогул, па Канстытуцыі ў нас дзве мовы, і права выбару аднаго з іх — за бацькамі», — нагадаў ён.

Каментары да артыкула