Жыхар Украіны спрабаваў увезці ў Беларусь арган

Незвычайная кантрабанда выяўленая на беларуска-польскай мяжы.

Як паведамілі ў прэс-цэнтры Дзяржаўнага пагранічнага камітэта Беларусі, жыхар Хмяльніцкай вобласці ўязджаў у Беларусь з Польшчы раніцай 21 мая праз пункт пропуску «Казловічы». Пры надглядзе ў інструментальнай скрыні ў кабіне яго Scania брэсцкія памежнікі сумесна з супрацоўнікамі мытні знайшлі царкоўны арган у разабраным выглядзе і камплектуючыя да яго.

Музычны інструмент канфіскаваны, сума яго ацэнкі ўстанаўліваецца.

Каментары да артыкула