Цягнік Мінск-Алматы пачне хадзіць 27 мая
Цягнік будзе складацца з 14 вагонаў.
Новы цягнік Мінск-Алматы пачне курсіраваць з 27 мая, паведаміў намеснік начальніка пасажырскай службы Беларускай чыгункі Сяргей Мацкевіч.
Цягнік будзе курсіраваць адзін раз у тыдзень з адбыццём з Мінска па нядзелях і прыбыццём у Алматы па чацверах.
У склад цягніка першапачаткова ўвойдзе 14 вагонаў, аднак іх колькасць можа мяняцца ў залежнасці ад попыту.