У Мінску запусцяць экскурсійны аўтобус па «прэзідэнцкай трасе»
Кожны чацвёрты маршрут будзе суправаджацца англамоўнай версіяй.
На базе аўтобуса № 1 «Чыгуначны вакзал — Вяснянка», будзе рэалізаваны праект «Мінск экскурсійны».
Гэты аўтобус ідзе ўздоўж праспекта Пераможцаў, так званай «прэзідэнцкай трасы». Маршрут праходзіць каля«Мінск-Арэны» , Парка перамогі, Палаца спорту, гарадской ратушы.
Ужо распрацаваны тэкст экскурсійнага суправаджэння.
Гэты гарадскі маршрут будзе выкарыстаны як для перамяшчэння паміж славутымі месцамі Мінска, так і для своеасаблівай экскурсіі па цане аўтобуснага білета.Аўтобус будзе курсіраваць па замкнёным маршруце, пачынаючы ад чыгуначнага вакзала. Плануецца арганізаваць работу такім чынам, каб кожны чацвёрты маршрут суправаджаўся англамоўнай версіяй.