Яна Рудкоўская: «Лайтсаўнд» спяваў не чыста. Беларусам бракуе густу
Вопытная расійская прадзюсарка Яна Рудкоўская глядзела паўфінал «Еўрабачання-2012» у Маскве, у кампаніі спевака Філіпа Кіркорава і тэлевядоўцы Андрэя Малахава.
— Выступ беларусаў у нашай кампаніі спадабаўся ўсім, — кажа яны. — Проста, калі б ваш хлопчык спяваў больш чыста і вопыту сцэнічнага у яго было больш, то ўсё было б тады вельмі класна. Але саліст сам па сабе вельмі сімпатычны, фактурны такі, — падзялілася сваімі ўражаннямі з «Камсамолкай» Рудкоўская.
Яна кажа, што адгадала ў другім паўфінале 9 з дзесяці краін. Не адгадала толькі Беларусі.
Яна не лічыць, што за пралётам «Лайтсаўнда» стаіць палітыка. «Выйшлі б „Буранаўскія бабулі“ ад Беларусі і ўсё было б нармальна, — кажа Рудкоўская. — Еўропе ўсё роўна хто спявае. Людзі, якія галасуюць, не захапляюцца палітыкай і не думаюць пра гэта наогул».
— Тады чаго Беларусі бракуе?
Адказ Рудкоўскай быў жорсткі: «Густу».
Яна раіць у будучыні шукаць харошую песню і рабіць прыгожае шоу.
Рудкоўская была прадзюсаркай спевака Дзімы Білана, калі ён перамог у