Мядзведзеў: Інтэграцыя краін СНД павінна даваць канкрэтныя вынікі
Інтэграцыя краін СНД павінна даваць канкрэтныя вынікі. Аб гэтым заявіў сёння на пасяджэнні Савета кіраўнікоў урадаў СНД старшыня ўрада Расіі Дзмітрый Мядзведзеў.
Дзмітрый Мядзведзеў адзначыў, што Расія разглядае пытанні інтэграцыі ў СНД у якасці прыярытэтнага напрамку. «Хацеў бы пацвердзіць несумненны прыярытэт нашай краіны ў ацэнцы ключавога напрамку інтэграцыі краін СНД», — сказаў ён. Важна не толькі
Краіны Садружнасці маюць намер працягваць работу па ўдасканаленні ўзаемадзеяння.
«Вядома, будзем старацца выкарыстоўваць усе магчымасці для таго, каб інтэграцыя адбывалася максімальна эфектыўнымі спосабамі, давала канкрэтныя вынікі, была не папяровай, а прадметнай і змястоўнай, — падкрэсліў кіраўнік расійскага ўрада.— Таму адной з галоўных умоў нашай далейшай інтэграцыі я бачу развіццё пагаднення і ратыфікацыйных працэдур па Дагавору аб зоне свабоднага гандлю ў СНД. Гэта выгадна ўсім нам, таму мы вітаем максімальна шырокае вызначэнне кола яго ўдзельнікаў, далучэнне да гэтага дагавора іншых краін».
Дзмітрый Мядзведзеў адзначыў, што ўзаемны гандаль заўсёды выступае індыкатарам самаадчування эканомік, а таксама паказчыкам зацікаўленасці ў добрасардэчных і ўзаемавыгадных адносінах. «Узаемны гандаль краін СНД у 2011 годзе павялічыўся на 36 працэнтаў і наблізіўся да $300 млрд. Гэта далёка не мяжа, але гэта лічба паказвае патэнцыял нашага ўзаемадзеяння», — сказаў ён.