Мезін пакідае мінскае «Дынама»
«Клуб не бачыць Андрэя ў складзе клуба. Не задавальняе яго цяперашні ўзровень гульні»
Галкіпер Андрэй Мезін і канадскі форвард Даніэль Корса пакідаюць хакейнае мінскае «Дынама». Пра гэта на сустрэчы з журналістамі паведаміў спартыўны дырэктар клуба Ігар Матушкін.
Паводле словаў Матушкіна, «клуб не задавальняў узровень гульні Корса ў мінулым сезоне».
З Мезіным было вырашана скасаваць пагадненне пасля чэмпіянату свету.
«Клуб не бачыць Андрэя ў складзе каманды. Не задавальняе яго цяперашні ўзровень гульні», — сказаў Матушкін.
Нагадаем, што на нядаўнім чэмпіянаце свету па хакеі Андрэй Мезін самавольна пакінуў размяшчэнне зборнай Беларусі пад кіраўніцтвам Кары Хейкілі і з’ехаў.