У Парыжы — дождж
Фінал «Ралан Гарос» будзе дагуляны ў панядзелак.
Матч паміж Новакам Джокавічам (Сербія) і Рафаэлем Надалем (Іспанія) будзе дагуляны ў панядзелак — арганізатары «Ралан Гарос» прынялі рашэнне перанесці фінальны матч Адкрытага чэмпіянату Францыі.
Фінал быў спынены сёння дажджом пры ліку 6:4, 6:3, 2:6, і 1:2 на карысць іспанскага тэнісіста.
У жаночым турніры перамагла расіянка Марыя Шарапава.