Шведы білі варатару ў азадак + фота
Гульцы «Трэ Крунур» вынайшлі незвычайны спосаб зняць стрэс пасля паразы ад Украіны.
Пасля паразы ад Украіны (1:2) у матчы першага кола групавога этапу чэмпіянату Еўропы, гульцы зборнай Швецыі, былі засмучаныя.
На наступны дзень шведы прыйшлі на трэніроўку і прадэманстравалі найцікавейшы спосаб здымання стрэсу. Запасны галкіпер каманды Ёхан Віланд агаліў азадак, стаў да сценкі і нахіліўся.
Астатнія гульцы ўзялі па мячу і пачалі па чарзе наносіць магутныя ўдары па «браме» галкіпера. Даволі хутка асноўны склад шведскай зборнай павесялеў.
Такі метад аднаўлення псіхалагічнай упэўненасці хутка распаўсюдзіўся ў інтэрнэце і выклікаў шмат спрэчак і дыскусій.
У прыватнасці, прэм'ер-міністр Швецыі Фрэдрык Рэйнфельт выказаў абурэнне, заявіўшы, што справа нагадвае рознага роду сэксуальныя дамаганні.Напэўна, насамрэч ён быў незадаволены тым, што футбалісты так лёгка раскрываюць свету сакрэты народнай медыцыны.