У Баранавіцкім раёне патануў дзесяцігадовы хлопчык
Трагедыя здарылася ў панядзелак у 18.30 на возеры непадалёк ад пасёлка Жамчужны. Хлопчык разам з двума аднагодкамі плаваў у возеры. Прыкладна на сярэдзіне вадаёма яны пачалі тануць. Мужчыны, якія лавілі з берага рыбу, ўбачылі гэта.
Яны паплылі да дзяцей і паспелі выратаваць двух з іх. Дзесяцігадовы хлопчык пайшоў пад ваду. Яго цела дасталі з возера вадалазы ратавальнай станцыі.