«Robinson Club» Тапузідзіса правяраюць
Пакуль толькі эпідэміёлагі.
На мінулым тыдні стала вядома пра шпіталізацыю людзей з падазрэннем на сальманэлёз. Усе яны знаходзіліся на вяселлях у гатэльна-забаўляльным комплексе «Robinson Club». Апошні належыць Паўлу Тапузідзісу, аднаму з набліжаных да Лукашэнкі бізнэсоўцаў.
Цяпер Мінскі занальны цэнтр гігіены і эпідэміялогіі вядзе пазапланавую праверку рэстарана косплекса.
На гэтым тыдні павінны стаць вядомымі яе вынікі. Пакуль жа ў цэнтры нічога пэўнага пра прычыну захворвання людзей сказаць не могуць.
«Рабінзон-клуб» — шыкоўны гатэльна-забаўляльны комплекс на беразе Мінскага мора. Клуб аб’ядноўвае гатэль, два рэстараны, бар, парк, дзіцячую і верталётную пляцоўкі, станцыю пракату, SPA-цэнтр. Знаходзіцца ў 7 км ад МКАД.