Прадаеш чарніцы — ад падатку вызваляешся
Ягады пачалі прадаваць і здаваць нарыхтоўшчыкам.
Мы звярнуліся ў інспекцыю Міністэрства па падатках і зборах аднаго з раёнаў Мінска, каб там патлумачылі сістэму падаткаабкладання ў падобных выпадках.
Згодна з беларускім заканадаўствам,
вызваляюцца ад падаходнага падатку з фізічных асобаў прыбыткі плацельшчыкаў, якія атрымліваюць ад збору і здачы лекавых раслінаў, дзікарослых ягадаў, арэхаў, грыбоў.
Таксама вызваляюцца ад адзінага падатку індывідуальныя прадпрымальнікі і іншыя фізічныя асобы, якія рэалізуюць лекавыя расліны, ягады, грыбы, арэхі…
Нагадаем, згодна з Лясным кодэксам,
грамадзяне маюць права свабодна знаходзіцца на тэрыторыі ляснога фонду і бясплатна збіраць для задавальнення ўласных патрэбаў дзікарослыя плады, ягады, арэхі, грыбы,
калі іншае не прадугледжана заканадаўчымі актамі Рэспублікі Беларусь.