У Расіі паставяць помнік Мулявіну
У Екацерынбургу (Расія) плануецца ўстанавіць помнік народнаму артысту СССР і Беларусі Уладзіміру Мулявіну, паведаміў 12 ліпеня напрэс-канферэнцыі ў Віцебску міністр культуры Беларусі Павел Латушка.
Папярэдняя згода на ўстаноўку помніка атрымана ад кіраўніцтва Свярдлоўскай вобласці і гарадскіх улад Екацерынбурга, а таксама прэзідэнта Беларусі Аляксандра Лукашэнкі, адзначыў міністр.
Паводле яго слоў, падчас візіту ў Екацерынбург рэктара Беларускай дзяржаўнай акадэміі мастацтваў Міхаіла Баразны было вызначана папярэдняе месца для ўстаноўкі помніка.