«Бульбаш» як сродак зарабіць
Беларусы здолелі капіталізаваць крыўдную мянушку.
Уявіце сабе ў цэнтры Кіева краму, якая б называлася «Кошик хохла», ці «Лукошко кацапа» ў Маскве. Дурны жарт. Але толькі не ў Беларусі. Тут на адной з цэнтральных вуліц сталіцы працуе крама «Кошык бульбаша». Беларусы ці не адзіныя з суседзяў не толькі не крыўдуюць на абразлівую мянушку, але і здолелі капіталізаваць яе. Гарэлка, пяльмені, хлеб і тая самая крама завабліваюць спажыўца словам «бульбаш».