У Умы Турман нарадзілася дачка

У галівудскай актрысы Умы Турман нарадзілася дачка,

паведамляе выданне US Weekly са спасылкай на крыніцу ў асяродку Турман.

Дзіця, бацькам якога стаў сябар Турман, фінансіст Арпад Бюсон, нарадзілася ў мінулую нядзелю. Ні імя, ні якія-небудзь іншыя падрабязнасці пра нованароджаную дачку амерыканскай актрысы не паведамляецца.

У Турман ужо ёсць двое дзяцей — 13-гадовая дачка Мая і 10-гадовы сын Лявон. Бацька абодвух — былы муж Турман Ітан Хоўк.

Ума Турман вядомая па мностве галівудскіх фільмаў, у тым ліку стужках Квенціна Таранціна, у якога яна знялася ў «Крымінальным чытве» і «Забіць Біла»

Каментары да артыкула