У Брэсце ў Мухавец з моста скочыў 20-гадовы хлопец
Як паведаміў прэс-сакратар Брэсцкага абласнога ўпраўлення МНС Сяргей Машноў, званок аб здарэнні паступіў са службы хуткай медыцынскай дапамогі ў цэнтр аператыўнага ўпраўлення Брэсцкага УМНС 24 ліпеня ў 6.31 раніцы.
«Медыкі сказалі, што з моста па бульвары Шаўчэнкі ў раку Мухавец у абласным цэнтры скочыў чалавек
. Пасля прыбыцця да месца выкліку ў 06.34 аддзяленнем пажарнай аварыйна-ратавальнай службы Брэсцкага ГАНС устаноўлена, што на воднай гладзі бачны чалавек. Адлегласць да пацярпелага складае каля 50 метраў», — расказаў Машноў.
Паводле яго слоў, у 06.35 ратавальнікі дасталі чалавека з вады і перадалі брыгадзе хуткай дапамогі.
«Пры ратаванні 20-гадовага хлопца, жыхара Баранавіцкага раёна, выкарыстоўваліся лодка „Ніка-2“, гідракасцюм сухога тыпу „Аквалунг“ і ратавальныя камізэлькі», — дапоўніў Машноў.
Малады чалавек быў дастаўлены ў Брэсцкую гарадскую бальніцу хуткай медыцынскай дапамогі. Медыкі ацэньваюць яго стан як здавальняючы.
Па гэтым факце праводзіцца праверка.
Чытайце таксама:
Каментары да артыкула