Кебіча, Лінга і Багданкевіча павязуць у калгасы
Група былых кіраўнікоў Беларусі паедзе па калгасах Мінскай вобласці.
Група былых кіраўнікоў Беларусі, сярод якіх былыя кіраўнікі ўраду Вячаслаў Кебіч і Сяргей Лінг, а таксама колішні старшыня праўлення Нацбанка Станіслаў Багданкевіч, 10 жніўня паедуць па гаспадарках Мінскай вобласці.
«Сёння мне патэлефанавалі з урада і прапанавалі праз тыдзень наведаць сельгаспрадпрыемствы Мінскай вобласці. Маўляў, гэта ініцыятыва Міхаіла Русага (намесьнік прэм’ер-міністра). Я даў прынцыповую згоду. Чаму не? Трэба з'ездзіць паглядзець, што гэта — працоўная альбо прапагандысцкая паездка», — паведаміў Багданкевіч.