Трапічны шторм прынёс разбурэнні ў Віцебск
4 жніўня на Віцебск абрынуліся навальніца, град і ўраганны вецер.
Стыхія валіла дрэвы і перакульвала гандлёвыя палаткі.
За дзень у абласным цэнтры выпала 39 мм ападкаў, а хуткасць парываў ветру дасягала 20
Больш за ўсё дасталася парку Пераможцаў — некалькі дрэў вывернула з коранем, яшчэ больш зламала. Побач з выставай ваеннай тэхнікі адзін з вялікіх сукоў зваліўся паміж двума намётамі, у якіх знаходзіліся прадаўцы. Каля трох штыкоў ураган перакуліў тэнты кавярні, а букеты ад вечнага агню раскідаў па ўсёй плошчы Перамогі.
Як паведаміў «Народным навінам Віцебска» адзін з чытачоў, на Маскоўскім праспекце дрэва ўпала на пяціпавярховы дом. Тут, як і ў шэрагу іншых месцаў, паваленыя дрэвы давялося прыбіраць падраздзяленням МНС.