ЕС можа адклікаць з Беларусі ўсіх паслоў
Гэтае пытанне будзе абмяркоўвацца 10 жніўня на паседжанні Савета ЕС па палітыцы бяспекі.
Хутчэй за ўсё, будзе вырашэна адклікаць з Мінска амбасадараў усіх краін Еўрасаюза. Пра гэта паведамляе выданне ЕС EUobserver са спасылкай на дыпламатычную крыніцу ў Брусэлі. Гэтак Еўрасаюз адкажа на высылку з Беларусі шведскіх дыпламатаў.
Еўрапейскі дыпламат дадаў, што, хоць мяч цяпер на баку Швецыі, усе краіны ЕС хочуць выказаць салідарнасць з ёй.
Нагадаем, што сёлета Еўрасаюз ужо адклікаў усіх амбасадараў — на знак салідарнасці з высланымі пасламі Еўрасаюза і Польшчы.