У інтэрнэце штодня сядзіць каля 60% беларусаў

У Беларусі паслугамі інтэрнэту штодня карыстаецца больш за 60% насельніцтва ва ўзросце ад 16 гадоў.

Такія дадзеныя прыводзяцца ў новым статыстычным зборніку «Інфармацыйнае грамадства ў Рэспубліцы Беларусь», паведаміла прэс-сакратар Нацыянальнага статыстычнага камітэта Алена Кандраценка.

Паводле статыстычных дадзеных, 40% хатніх гаспадарак маюць доступ да інтэрнэту з хатняга кампутара.

«У Беларусі арганізацыі выкарыстоўваюць інтэрнэт у асноўным для атрымання і адпраўкі электроннай пошты, а таксама для пошуку і размяшчэння інфармацыі, — сказала спецыяліст. — Кожны другі працаўнік арганізацый сектара інфармацыйна-камунікацыйных тэхналогій выкарыстоўвае камп’ютар з выхадам у інтэрнэт. У нашай краіне каля 4 тыс. арганізацый маюць вэб-сайт».

Каментары да артыкула