Аўторак, 28-га: прызначылі дату новага суда над Змітром Дашкевічам
Яго вінавацяць у невыкананні ўнутранага рэжыму калоніі.
Як паведаміла нявеста палітвязня Наста Палажанка,
выязное судовае пасяджэнне адбудзецца 28 жніўня ў глыбоцкай калоніі № 13.
Трапіць камусцьці акрамя адваката туды не атрымаецца.
Змітру Дашкевічу застаецца адсядзець 5 месяцаў. Але ў выпадку, калі яго прызнаюць вінаватым, пагражае новы тэрмін — да года пазбаўлення свабоды.
Вядома, што адміністрацыяй калоніі ён быў ахарактарызаваны адмоўна:
«не паддаецца перавыхаванню, адмоўна ўплывае на іншых зняволеных і кіруецца сваімі інтарэсамі».
18 снежня 2010 года Змітра Дашкевіча і Эдуарда Лобава затрымалі ў сталіцы па абвінавачванні ў збіванні двух мінчан. 24 сакавіка 2011 года Дашкевіч быў прыгавораны да двух гадоў пазбаўлення волі ў калоніі агульнага рэжыму. Праваабаронцамі прызнаны палітвязнем.