Тэмпы росту ВУП запавольваюцца
Прырост ВУП Беларусі ў студзені-сакавіку складзе 8,3-8,5 працэнта.
ВУП Беларусі ў студзені-сакавіку павялічыўся, паводле папярэдніх даных, на 8,3-8,5% у параўнанні з аналагічным перыядам 2006 года. Пра гэта паведаміў 5 красавіка прэзідэнту Беларусі Аляксандру Лукашэнку прэм’ер-міністр Сяргей Сідорскі.
Як паведаміла прэс-служба кіраўніка дзяржавы, аб’ём прамысловай вытворчасці ў першым квартале гэтага года ў параўнанні са студзенем-сакавіком 2006 года павялічыўся на 9%. Крыху горш спрацавалі прадпрыемствы канцэрна «Белдзяржхарчпрам» з-за праблем са збытам беларускага цукру.
Рэнтабельнасць рэалізаванай прадукцыі ў студзені-сакавіку склалася на ўзроўні 11-12%.
Фармаванне даходнай часткі бюджэту ідзе ў адпаведнасці з запланаванамі тэмпамі.
Аб’ём інвестыцый у асноўны капітал за тры месяцы ўзрос на 25% у параўнанні з першым кварталам 2006 года.