Віктар Ганчарэнка: Давайце атрымаем асалоду ад перамогі

«Такі футбол падабаецца заўзятарам. А ў трэнерскага штаба адбірае нервовыя клеткі. Але гэта хваляванне кампенсуецца прыўзнятым настроем у камандзе, атмасферай на стадыёне», — сказаў на пасляматчавай прэс-канферэнцыі ў Мінску галоўны трэнер БАТЭ Віктар Ганчарэнка, каментуючы вынікі гульні (2:0).

«Хацелася б асобна адзначыць заўзятараў, якія сёння нас выдатна і цёпла падтрымлівалі. Мы стварылі шмат момантаў. Вядома, хацелася б, каб з рэалізацыяй было лепей. Мы арганізавалі шмат хуткіх нападаў, вострых перадач. А вось удараў у створ варот нанеслі замала. Тым не менш трэба адзначыць, што для раўнда плэй-оф лік 2:0 даволі камфортны», — сказаў трэнер.

— Чым патлумачыць нервовую канцоўку?

— Гэта футбол. Ёсць план нашай гульні, ёсць план гульні суперніка. Розныя адрэзкі гульні яны могуць працаваць. А могуць і не працаваць. Можна таксама адзначыць, што ўсе небяспечныя моманты ў нашых варот супернік стварыў у хуткіх контррэйдах пасля нашых нападаў, якія мы не змаглі завяршыць.

— Якія высновы зробіце з сённяшняга матчу? Ці будзе ў сустрэчы ў адказ БАТЭ выглядаць па-іншаму?

— Давайце спачатку атрымаем асалоду ад перамогі, а затым зробім высновы і выбудуем план зваротнай гульні. Тым больш, што ў нас ёсць вялікая варыятыўнасць складу. Можна гуляць па-рознаму. Паглядзім, прааналізуем і прымем рашэнне.

Каментары да артыкула