Суддзя Светлагорска такі затрыманы
Падазраюць у хабары.
Следчы камітэт прыняў да вытворчасці крымінальную справу ў дачыненні да суддзі Светлагорскага раённага суда Віталя Вашчыліна.
Як паведаміў БелаПАН начальнік аддзела інфармацыі і сувязі з грамадскасцю СК Павел Траулька, Вашчылін быў затрыманы 17 жніўня супрацоўнікамі КДБ падчас атрымання хабару. Справа ў дачыненні да Вашчыліна распачатая па ч. 3 арт. 430 КК РБ (атрыманне хабару асобай, якая займае адказнае становішча).
Падазроны знаходзіцца пад вартай.