Мінфін: Сярэдні курс даляра ў 2013 годзе складзе 8400-8500 рублёў
Міністэрства фінансаў склала праект бюджэту на наступны год.
Дэвальвацыя рубля і інфляцыя ў Беларусі ў апошнія 20 гадоў найчасцей былі большымі за запланаваныя.
Міністэрства фінансаў Беларусі склала праект бюджэту краіны на 2013 год. Згодна з ім,
ВУП краіны мусіць вырасці на 8,5%.Нагадаем, сёлета быў закладзены прагноз росту ВУП на 5,5%, аднак гэтыя лічбы выглядаюць абсалютна недасяжнымі.
Інфляцыя ў 2013 годзе складзе 12%. Для параўнання, сёлета гэты паказчык павінен скласці 21%.
Сярэдні абменны курс даляра пры гэтым, па прагнозу Мінфіна, у наступным годзе складзе 8400-8500 рублёў.