Абарона Pussy Riot адкінула прапанову 1-га канала пакаяцца ў жывым эфіры

Адвакат асуджаных удзельніц панк-гурта Pussy Riot лічыць недапушчальнай і абразлівай просьбу рэдакцыі тэлепраграмы «Чалавек і закон» на Першым канале расійскага тэлебачання пра публічнае пакаянне перад вернікамі.

«Мы абмяркоўвалі гэтую сітуацыю з нашымі падабароннымі, якія, як і мы, лічаць, што дзяўчыны ў дастатковай меры прынеслі свае прабачэнні на судзе, сказаўшы ўсё, што палічылі патрэбным», — паведаміў «Інтэрфаксу» адвакат Pussy Riot Мікалай Полазаў.

Ён таксама падкрэсліў, што з ім звязваўся прадзюсар праграмы і паведаміў, што ўдзельніцы Pussy Riot павінны публічна папрасіць прабачэння, і тады «траўля» на тэлеканалах у дачыненні да дзяўчат будзе спыненая.

«Мы лічым гэта недапушчальным і абуральным шантажом», — сказаў адвакат.

Нагадаем, што суд засудзіў удзельніц Pussy Riot да двух галоў зняволення за панк-малебен у храме Хрыста-Збаўцы пад назвай «Багародзіца, Пуціна прагані».

Каментары да артыкула