Легкавік выкінула пад фуру ў Валожынскім раёне: тры чалавекі загінулі
Страшная аварыя адбылася ў нядзелю раніцай.
Аварыя адбылася 2 верасня, а 05.30 раніцы. Легкавы аўтамабіль «Фальксваген Пасат» урэзаўся ў «Форд Гэлаксі», які ехаў у спадарожным кірунку.У выніку сутыкнення «Фальксваген Пасат» выкінула на паласу сустрэчнага руху, па якой ехала фура. Кіроўца фуры не паспеў унікнуць удару.
У ДТЗ загінулі кіроўца і два пасажыры «Фальксваген Пасат». Атрымалі раненні пасажыр, які ехаў у «Фордзе Гэлаксі», і кіроўца фуры.