Еўрасаюз распачаў расследаванне супраць «Газпрома»: штраф можа скласці да 10% ад глабальных прыбыткаў
Расійскую кампанію падазраюць у парушэнні антыманапольнага заканадаўства.
Еўракамісія афіцыйна адкрыла расследаванне ў дачыненні да «Газпрома». Газавага гіганта западозрылі ў парушэнні антыманапольнага заканадаўства і стварэнні перашкод для сумленнай канкурэнцыі на рынках Цэнтральнай і Усходняй Еўропы.
Фармальны запуск разгляду не прадвызначае яго вынікаў, а толькі азначае, што справа «Газпрома» будзе разгледжана ў прыярытэтным парадку, удакладняецца ў заяве.
«Газпром» усяляк дабіваўся замацавання сваёй выключнай пазіцыі ў розных краінах. Аднак толькі Малдова, Арменія і Беларусь перадалі расійскай кампаніі кантроль над сваімі газатранспартнымі сістэмамі. У адказ «Газпром» знізіў цэны на газ менавіта для гэтых краін.