У рэйтынгу Кубка Дэвіса Беларусь апусцілася на 50-е месца

З 46-га на 50-е месца апусцілася ў рэйтынгу Кубка Дэвіса мужчынская зборная Беларусі па тэнісе. Колькасць набраных ёю ачкоў паменшылася з 445 да 365.

Як паведамлялася раней, 14–16 верасня ў матчы за выхад у першую групу Еўра-Афрыканскай зоны Беларусь прайграла ў гасцях Польшчы — 2:3. Палякі, у сваю чаргу, нягледзячы на перамогу, перамясціліся з 33-га на 36-ы радок.

У першай дзясятцы Іспанія, Чэхія, Аргенціна, Сербія, Францыя, ЗША, Харватыя, Казахстан, Аўстрыя і Ізраіль.

Каментары да артыкула