Карэспандэнты «НН» Таццяна Гаўрыльчык і Сяргей Гудзілін сярод пераможцаў конкурсу маладых фатографаў
Працы пераможцаў увойдуць у фотакнігу, прысвечаную сучаснай беларускай фатаграфіі.
У межах ініцыятывы Інстытута імя Гётэ «Культура і развіццё: менеджары ў сферы культуры» і праекта «Маладыя беларускія фатографы» Андрэя Лянкевіча працы шаснаццаці творцаў увойдуць у фотакнігу, прысвечаную сучаснай беларускай фатаграфіі.
А вось і імены фатографаў разам з праектамі, якія былі абраныя куратарамі праекта Маціасам Хардэ і Хансам Пілерам у кнігу.
1) Аляксандр Веледзімовіч з праектам «Эгасфера».
2) Аляксей Шынкарэнка з праектам «Фактаграфія».
3) Аляксей Навумчык з праектам «Мы ніколі не станем старэйшымі».
4) Аляксандр Кладаў з праектам «Ваенныя звычкі».
5) Аляксандр Саенка з праектам «Тралейбуснае дэпо».
6) Аляксандра Салдатава з праектам «Канікулы».
7) Андрэй Лянкевіч з праектам «Бывай, Радзіма».
8) Яўген Канаплёў-Лейдзік з праектам «Фатамаргана».
9) Юля Лейдзік-Канаплёва з праектам «Узрост».
10) Максім Шумілін з праектам «Сад», частка 1.
11) Міхаіл Лешчанка з праектам «Сад», частка 2.
12) Паліна Палынская з праектам «Раўнавага»
13) Павел Кірпікаў з праектам «Анархатэктура».
14) Вольга Сасноўская з праектам «Singleuse».
15) Сяргей Гудзілін з праектам «Прыватны прэзідэнт».
16) Таццяна Гаўрыльчык з праектам «Жыхары псіханеўралагічных інтэрнатаў».
Кніга пабачыць свет на пачатку 2013 года ў нямецкім выдаўніцтве Kehrer, будзе распаўсюджвацца ў крамах усяго свету і будзе прэзентавана на найбуйнейшым кніжным кірмашы ў Франкфурце ў верасні 2013 г.