Ладуцька: Падчас ЧС-2014 чвэрць месцаў у інтэрнатах аддадуць турыстам
Чвэрць месцаў у студэнцкіх інтэрнатах Мінска будуць задзейнічаны падчас правядзення ЧC па хакеі 2014. Пра гэта старшыня Мінгарвыканкама паведаміў 20 верасня на
Паводле яго слоў, чакаецца, што максімальная колькасць прыезджых на чэмпіянат свету складзе 20 тыс. Палову з іх зможа размясціць гатэльная сетка Мінска і Мінскага раёна, другую палову давядзецца пасяліць у студэнцкіх інтэрнатах.На сёння ў інтэрнатах жывуць прыкладна 40 тыс. студэнтаў са 110 тыс., якія вучацца ў сталіцы на дзённай форме навучання. Такім чынам, госці чэмпіянату зоймуць не больш як чвэрць месцаў студэнтаў у інтэрнатах, растлумачыў гораданачальнік.
Як мяркуе Ладуцька, студэнты не будуць праяўляць незадаволенасць высяленнем з інтэрнатаў і прыпыненнем вучобы на час чэмпіянату. Іх праца на грамадскіх пачатках можа быць запатрабавана пры падрыхтоўцы і правядзенні гэтага мерапрыемства — прыкладна на працягу паўтара месяца.
Правядзенне чэмпіянату свету па хакеі 2014 года ў Мінску павінна выклікаць у студэнтаў толькі пачуццё гонару за горад, мяркуе Ладуцька. «Гэта падзея, гэта свята, гэта годнасць, і мы гэтага гонару дабіліся нялёгкай працай», — сказаў ён.