Легендарнае мінскае «Дынама-82» сёння згуляе з «Зенітам-84»

Матч ветэранаў камандаў, якія станавіліся чэмпіёнамі СССР, пройдзе на мінскім стадыёне «Дынама» 21 верасня. Пачатак, а 19-й гадзіне, уваход вольны.

Матч адбудзецца ў рамках святкавання 30-годдзя перамогі мінскіх дынамаўцаў у чэмпіянаце СССР (1982) і 85-х угодкаў клуба.

У складзе дынамаўцаў на поле выйдуць Юрый Пудышаў, Сяргей Бароўскі, Ігар Гурыновіч, Андрэй Зыгмантовіч, Сяргей Гоцманаў, Віктар Сокал, Георгій Кандрацьеў ды іншыя вядомыя футбалісты 1980-х. Гуляць яны будуць пад кіраўніцтвам Эдуарда Малафеева.

Акрамя футбола гледачоў чакае канцэрт беларускіх выканаўцаў і феерверк.

Каментары да артыкула