Кіраўнікі дыпмісій ЕС даслалі Бяляцкаму сумеснае віншаванне
Паслы запэўнілі, што робяць усё магчымае для яго вызвалення.
Кіраўнікі дыпламатычных місій Еўрапейскага Саюза ў Мінску павіншавалі Алеся Бяляцкага з 50-годдзем і даслалі сумесную паштоўку ў Бабруйскую калонію, дзе Бяляцкі знаходзіцца ў зняволенні, паведамляецца ў прэс-рэлізе пасольства Літвы ў Беларусі.
У сваім віншаванні паслы запэўнілі, што ЕС робіць усё магчымае, каб забяспечыць яго вызваленне і выказалі надзею, што ў найбліжэйшай будучыні А. Бяляцкі зможа атрымліваць асалоду ад свабоды і ўз'яднацца са сваёй сям'ёй.